Шеесетгодишен државјанин на Република Македонија со престој во Италија загина во судар на два камиона во близина на каменолом на периферијата на Равена.
Месут Ислами, кој живеел во Луго, е жртвата на колизијата меѓу двете товарни возила, од кои едното влегувало, а другото излегувало од каменоломот.
Во несреќата, во која едниот камион бил згмечен до непрепознавање, тешко е повреден другиот возач, кој со медицински хеликоптер бил префрлен во болница во Равена.
Сообраќајот на местото на настанот бил подолго време во прекин, додека не биле отстранети двете тешки возила.