Против 48-годишен маж од Прилеп е поднесена кривична пријава под сомнение дека во повеќе наврати сексуално ја злоупотребувал својата малолетна поќерка.
Според информациите од полицијата, случаите се случувале во текот на август годинава, а жртвата е дете помладо од 15 години.
СВР Битола го товари мажот за кривично дело „силување на дете кое не наполнило 15 години“.
Полицијата не открива дополнителни детали за случајот, со цел да се заштити идентитетот и приватноста на малолетната жртва.
За наводите ќе одлучуваат надлежните институции во понатамошната постапка, а за пријавениот важи презумпцијата на невиност сè до правосилна судска одлука.