Јавното сообраќајно претпријатие (ЈСП) Скопје информира дека жичарата на Водно ќе биде привремено надвор од употреба на 25 и 26 април 2026 година.
Прекинот во работењето е поради редовни, но овојпат проширени технички контроли кои ќе ги вршат специјализирани екипи од австриската компанија „Допелмаер“.
Од ЈСП Скопје посочуваат дека проверките се спроведуваат со цел да се обезбеди максимална безбедност и сигурност во работењето на жичарата.
„Ги молиме граѓаните за разбирање и трпение и апелираме навреме да ги планираат своите активности за време на викендот, имајќи го предвид привремениот прекин во функционирањето на жичарата“, се вели во соопштението на ЈСП Скопје.