Поднесени се кривични пријави против родителите на малолетничките кои нападнаа девојче во општина Ѓорче Петров, соопштија попладнево од Министерството за внатрешни работи.
– Единицата за внатрешни работи – Ѓорче Петров при СВР – Скопје до ОЈО – Скопје денеска поднесе шест кривични пријави по член 201 став 1 од КЗ – запуштање и малтретирање дете, против Е.А и А.М, Е.С., Р.С. и Р.Г., С.А., В.И. и Ѓ.И., А.Т. и Т.Т., поради тоа што малолетните деца на пријавените лица извршиле кривично дело по член 386 од КЗ – односно поради физички напад врз 13-годишната малолетничка во Ѓорче Петров – се наведува во соопштението.
Се додава дека во врска со овој случај, на 29 април, ЕВР – Ѓорче Петров до ОЈО – Скопје поднесе и кривична пријава против четири малолетнички поради основи на сомнение дека извршиле две кривични дела „насилство“ предвидено и казниво по член 386 од КЗ.
Во два одделни настани, на 27.03.2026 и на 30.03.2026 година пријавените физички нападнале 13-годишна малолетничка, а видео запис и фотографии од настаните биле објавени на социјална мрежа.
Кривичната пријава е доставена до ОЈО Скопје и се постапува согласно Законот за правда за децата. Во текот на утрешниот ден (05.05.2026), СВР Скопје ќе поднесе кривична пријава и против родители на инволвираните малолетници.