Основното јавно обвинителство Битола излезе со нови моменти од убиството на 31-годишната жена во битолската населба Баир од нејзиниот две години постар поранешен вонбрачен партнер, со кого имале четири малолетни деца.
„Откако се уверил дека нејзиниот татко не е во домот, влегол во куќата во која жртвата престојувала, додека таа спиела, и со нож и нанел повеќе убоди во телото, од кои починала на лице место“, соопшти ОЈО Битола.
Надлежниот јавен обвинител до судијата на претходна постапка при Основниот суд во Битола достави предлог за определување мерка притвор за осомничениот, поради опасност од бегство. За него постои основано сомнение дека сторил кривично дело убиство при вршење семејно насилство.