Хроника

Тешка сообраќајна несреќа на магистралата Кичево–Гостивар

На местото на настанот увид извршила полициска екипа, а причините за сообраќајната несреќа се утврдуваат.

1 минута за читање

Тешка сообраќајна несреќа се случи вчера попладне на магистралниот пат Кичево–Гостивар, кај месноста „Сеферов бунар“.

Според информациите од Министерството за внатрешни работи, несреќата се случила околу 14:10 часот и во неа учествувале четири возила:

  • товарно возило „Фолксваген Кеди“ со кичевски регистарски ознаки, управувано од 62-годишниот Ф.К. од село Грешница;
  • товарно возило „Сканија“ со албански регистарски ознаки, управувано од 60-годишниот А.С. од Делисуфај, Албанија;
  • патнички автомобил „БМВ“ со унгарски регистарски ознаки, управуван од 45-годишна жена од Будимпешта;
  • патнички автомобил „Фиат“ со српски регистарски ознаки, управуван од 32-годишна жена од Ниш.

Во несреќата најтешко повреден е возачот на „Фолксваген Кеди“, кој со тешки телесни повреди бил пренесен во Ургентниот центар „Мајка Тереза“ во Скопје.

На местото на настанот увид извршила полициска екипа, а причините за сообраќајната несреќа се утврдуваат.

Поврзани теми:

тешка сообраќајна несреќа|автопат Кичево - Гостивар|избор|Кичево|гостивар

Повеќе на оваа тема:

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top