Министерството за внатрешни работи информира дека вчера се уапсени тројца криумчари од селото Блаце, одземени им се две возила, како и криумчарена стока на македонско-косовската граница.
Според МВР, криумчарите биле затекнати додека товареле стока во товарно возило „мерцедес вито“ со скопска регистрација и патнички автомобил „хјундаи“, кој бил без регистрација.
„На 31.07.2026 околу 23:00 часот, полициски службеници од Регионалниот центар за гранични работи Север, постапувајќи по Оперативен план за спречување, откривање и фаќање на лица кои вршат криумчарење преку државната граница, на подрачјето на с. Блаце, поточно на граничната линија помеѓу с. Блаце и Хани Елезит, од слобода ги лишија Н.Б.(27), Х.Б. (26) и Е.Џ. (21), сите од с.Блаце. Возилата и стоката се одземени, известен е јавен обвинител и по документирање на случајот ќе бидат поднесени соодветни поднесоци“, соопшти МВР.