Хроника

Вреди: Случајот Ласкарци е симбол на неуспехот на судството, кое мора да се реформира од корен!

Седум години по трагедијата кај Ласкарци, семејствата на 16-те жртви сè уште ја чекаат правдата. Укинувањето на пресудата на Апелациониот суд и враќањето на предметот на повторно судење повторно отвораат простор за ново одолговлекување на процесот, порачаа денеска од ВРЕДИ.

1 минута за читање

Во својата реакција по укинувањето на пресудата на Апелациониот суд за случајот „Ласкарци“ и враќањето на предметот на повторно судење партијата Вреди натаму истакнува: Уште во декември предупредивме дека случајот „Дурмо Турс”, заедно со низа други предмети, е директен показател за состојбата во судскиот систем. Сведочевме на сомнителни одложувања, медицински извештаи и непочитување на судските одлуки.

Довербата во судството, која падна на само два отсто, не исчезна преку ноќ. Само супервештачењето за случајот Ласкарци помина 315 дена во Бирото за судски вештачења. На чело на Бирото во тој период беше Валдет Џафери, функционер на ДУИ. Тоа покажува дека предметот не се одолговлекуваше сам од себе.

Моменти од судското рочиште,на кое беа изложени завршните зборови во судскиот процес за случајот „Ласкарци“.

Судството мора да се реформира од корен. Новиот министер за правда ја започна оваа работа со јасна определба ваквите случаи повеќе да не бидат заложници на неефикасноста и злоупотребите во системот.

Бараме без одложување да биде објавено образложението на одлуката и предметот да се процесира со приоритет, без нови процедурални игри. Семејствата на жртвите не смеат повторно да се враќаат на почеток, порачува Вреди.

Поврзани теми:

реакција на Вреди|случај Ласкарци|топ|судство

Повеќе на оваа тема:

Најнови вести од: Хроника

Јанев по полициската операција во Прилеп: Митот за „недопирливите“ падна, повеќе не може никој да се крие зад „врски“!

По големата полициска операција, спроведена пред два дена во која беше сузбиена организирана криминална група, вмешана во недозволена трговија со дрога и економски криминал, директорот на Бирото за јавна безбедност Александар Јанев денеска го посети Одделението за внатрешни работи во Прилеп.

Дејан Јованов доби 30-дневен притвор за случајот „Пулс“, сега за поткуп

Судија на претходна постапка при Основниот кривичен суд Скопје определи притвор во траење од 30 дена за Дејан Јованов од Кочани. Тој постапуваше по предлогот за тоа Јавниот обвинител од Јавното обвинителство за гонење на организиран криминал и корупција.

Директорот во „Државна лотарија“ Владо Петковски на судењето негираше сознанија за влијание на Груби врз одлуките на Бајрами

Со вкрстено испитување на сведокот Владо Петковски, директор на Секторот за игри на среќа во АД „Државна лотарија“, денеска во Основниот кривичен суд Скопје продолжи судењето за предметот „Државна лотарија“, откако претходно тој беше директно испитан од обвинителството.

Тошковски: Разбиена сериозна криминална група, дел од неа дејствувал над 15 години во Македонија и во земји од ЕУ!

Министерот за внатрешни работи Панче Тошковски во гостување во Радио Лидер соопшти детали за големата полициска акција, која вчера беше спроведена во Прилеп. Тој посочи дека е разбиена многу сериозна организирана криминална група, на која Министерството за внатрешни работи, во координација со Јавното обвинителство и со странски партнерски служби, работело повеќе од една година.  „Значителен дел од таа организирана криминална група повеќе од 15-тина години го правела тоа што го правела и биле недопирливи за органите на прогон.“ – истакна Тошковски.
Сите вести од Хроника

Најнови вести

To top