Од синоќа во 21 часот до рано утрово во 3 ч. Мобилната единица за безбедност на сообраќајот на патиштата при Секторот за сообраќајни работи спроведе акциска контрола на подрачјето на СВР Велес и ОВР Кавадарци санкционира и исклучи од сообраќај 11 возачи поради управување моторни возила под дејство на алкохол.
При контролата изречени се вкупно 20 мерки за сторени сообраќајни прекршоци, а две лица се лишени од слобода за сторено кривично дело по член 297-а од Кривичниот законик – „безобѕирно управување со моторно возило“ и согласно член 300 од Кривичниот закон одземени се двете моторни возила.
Дополнително, санкционирани се девет возачи за останати сообраќајни прекршоци.
За сите сторители изготвени се соодветни поднесоци, соопшти Министерството за внатрешни работи.