На покана на поглаварот на Исламската верска заедница, Реис ул-Улема, градоначалникот на Скопје, Орце Ѓорѓиевски, синоќа присуствувал на традиционалната ифтарска вечера:
„Во духот на меѓусебната почит, разбирање и искрена човечка блискост, вечерта помина во пријатна и топла атмосфера, испраќајќи силна порака за соживот, толеранција и заедништво. Токму ваквите моменти нè потсетуваат дека различностите се наше богатство, а почитта, наш заеднички темел“, објави градоначалникот на социјалните мрежи.
Рамазанските денови, додаде тој, се денови на духовна сила, добрина, солидарност и на обединување.
„Денови кога се отвораат срцата, кога се помага на ближниот и кога уште повеќе се зацврстуваат врските меѓу луѓето. Да продолжиме да се почитуваме, да се поддржуваме и да останеме сплотени, за заедно да ја оствариме нашата мисија – силно и модерно Скопје и просперитетна Македонија“, напиша Ѓорѓиевски.
На сите верници им посакувам лесен и благословен пост, додаде тој.