Крилото на Арбен Таравари од Алијанса за Албанците, изразува длабока загриженост во врска со најновите податоци што доаѓаат од Министерството за одбрана, кои, според нив, сведочат за јасно и неоправдано исклучување на Албанците од институционалната застапеност.
„Од вкупно 120 одлуки за назначување на подофицерски позиции, само 14 се Албанци.
Таквата застапеност не само што не ја одразува демографската реалност на земјата, туку претставува и опасен преседан кон систематско исклучување на Албанците од државните институции, вклучително и оние од националната безбедност“ велат од АА.
Соред партијата на Таравари ваквиот развој на настаните не е административна случајност, туку продолжение на дискриминаторската политика која, за жал, се спроведува под маската на реформи и ветувања за еднаквост. Она што се случува е опасен тренд кон маргинализација на Албанците од процесот на донесување одлуки и државните структури.
„Ги повикуваме претставниците на коалицијата ВЕДИ и институционалните лидери веднаш да ја прекинат оваа политика на исклучување и да го вратат почитувањето на фер и пропорционалната застапеност, како што е дефинирано со Уставот и како што е наметнато од мултиетничката реалност на земјата.
Албанците не се 10% од населението, како што се гледа во овој случај и во многу други слични случаи. Тие сочинуваат 29,52% од граѓаните на оваа држава, според официјалните податоци. Секој обид да се негира оваа реалност е неприфатлив и сериозно го нарушува легитимитетот на државната застапеност“, се вели во соопштението на АА.
Оттаму додаваат дека АА ќе продолжи да го крева својот глас и да дејствува во одбрана на еднаквоста, правичната застапеност и достоинството на секој граѓанин Албанец воМакедонија./Телеграфи