„Во Скопје е основана нова албанска политичка партија, додавајќи уште едно име на долгата листа на политички субјекти што ги претставуваат Албанците во Македонија. Сепак, наместо ентузијазам, веста е дочекана со бран иронија и шеги на општествените медиуми и меѓу граѓаните.“ – објави информативниот портал на албански јазик „Алмакос“ во својата информација со наслов „Албанците во Република Македонија се „дават“’ во политички партии, а не во базени – иронија и шеги во јавноста по претставувањето на новата албанска партија во Скопје!“.
Натаму порталот пишува: Едно прашање, кое кружеше низ интернет-анкетите привлече големо влијание: „Дали е подобро да се отворат базени во населените места со Албанци, или политички партии и движења?“ Коментарите се солени: „Ако отворавме базени со иста брзина како што отворавме партии, денес ќе се капевме во свежина, а не во пот!“ – пишува граѓанин на фејсбук.
Според некои аналитичари, големиот број на албански партии не донесе позначително подобрување во секојдневниот живот на граѓаните: основната инфраструктура, како што се јавните базени или младинските центри, продолжува да недостасува во многу населени места, каде што живеат Албанци. Граѓаните, уморни од политички ветувања и желни за вистинска свежина, на шега (а можеби и сериозно) бараат новите иницијативи да бидат ориентирани кон спорт и рекреација, а не само кон претстојните избори.
Во оваа политичка и климатска жештина едно е сигурно: Албанците во Македонија имаат повеќе партии отколку базени – и тоа сè повеќе се гледа во нивната пот.