Македонија

Надеж и храброст – преживеаните од „Пулс“ повторно заедно на кошаркарски терен

„Животот продолжува, а секој нов ден е нова борба за подобра иднина“

2 минути за читање

„Животот продолжува, а секој нов ден е нова борба за подобра иднина“. Вака, во една реченица, 36-годишниот кочанчанец Драган Давитковски, еден од повредените, го опишува периодот од несреќата во Пулс до денеска. Тој се бори со лузните, но и со сликите кои го прогонуваат од таа кобна ноќ. Во пожарот изгубил двајца пријатели со кои заедно излегле. Вели дека денеска, во нивна чест, но и во чест на сите кои го загубија животот, учествува на кошарскиот натпревар меѓу повредените кои се лекуваа во Македонија и странство.

„Животот продолжува понатаму. Имам уште неколку повреди. Се лекуваме… имам повреди, изгореници. Имав внатрешни повреди. Одам во Скопје, на ласер. Доаѓаат пулмолози во Кочани, редовно нè прегледуваа… Бевме на концерт, отидовме околу 1.30 и за жал, после еден час се случи тоа што се случи. Бев со сопругата, другари. За жал, двајца од нашата маса починаа“, изјави Драган Давитковски, повреден во несреќата во дискотеката Пулс.

Денешниот кошаркарски натпревар меѓу повредените кои се лекуваа во државата и странство е можност младите луѓе да покажат што постигнале во текот на рехабилитацијата. Воедно, кошарката како тимски спорт испраќа силна порака – дека и по тешките моменти тие продолжуваат да се поддржуваат и функционираат како тим.

„Многу од нив се познаваат и во целиот процес се зближија. Голем дел од нив се во публиката денес и на нас ни е гордост како општество, како институции, што се живи, што продолжуваат со нивниот живот, што се враќаат на нивните секојдневни активности, особено на спортот. Со оглед на тоа дека имаат изгореници на рацете, ова е еден вид физикална терапија за нив“, изјави директорката на ОБ-Кочани, Катерина Паниќ-Мирчовска.

Во рамки на тридневното одбележување на годишнината од трагедијата беа организирани неколку спортски активности – велосипедска и атлетска рекреативна тура.

„Започнуваме со неколку рути, сè со цел да им оддадеме почит на прерано загинатите, но и да им дадеме поддршка на повредените… Околу 500 учесници се најавени за денеска. На Пониква имаме уште еден настан, над 500 учесници – планинарска рута“, изјави градоначалникот на Кочани, Владко Грозданов.

Средствата собрани од кошаркарскиот натпревар ќе бидат наменети за изградба на споменик за жртвите во пожарот во дискотеката Пулс.

Поврзани теми:

храброст|прижевеани|актуелно|кочани|повредени|кошарка

Повеќе на оваа тема:

Најнови вести од: Македонија

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.    

Ошлис: Македонецот Наум Охридски е европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.
Сите вести од Македонија

Најнови вести

To top