Канал 5 во козерија ги коментира сите настани со кои во јавноста се фали Бојан Јовановски алијас Боки 13.
Јовановски беше осуден на долгогодишна казна затвор за криминал но со проценка на лекари беше ослободен од лежење затвор со образложение дека неговата здравствена состојба е лоша.
Иако болен Боки 13 објавува фотографии од низа активности во повеќе земји каде што настапува.
Според Канал 5 последните активности на Боки 13 се уште еден доказ дека: Македонија е земја на чудата!
Болниот Боки 13 кој сега бил во Солун е поактивен од многи здрави луѓе.
,,Иако беше на работ на смртна постела, Боки 13 во стилот на Орфеј и на Распучин а со помош на некој митски талисман и античката магија ни се врати во полна животна сила па еве сега неʼ “претставува” нас, Македонците во Солун.
Грци, чувајте тоа Луј Витон чантите, а вие од лекарската комисијата која “злокобно” му ја оценивте здравствената состојба – не е лошо да го прашате Боки каков амулет користил за да ги разбие вашите “баксузи””, пишува Канал 5 објаснувајќи дека текстот е сарказам на актуелните блескави здравствени моменти на нашата чудесна Македонија.
Преку објавата и хаштазите на објавата #македонија #чудо #амулет #комисија Канал 5 директно ја прозива лекарската комисија која дала оценка дека Боки 13 не треба да биде во затвор заради здравствена состојба а јавноста го гледа во низа активности каде тој е поактивен од огромен број други луѓе.
