Градоначалникот на Центар од 2017 до 2021 година, Саша Богдановиќ, ја обвини својата поранешна партија СДСМ за србофобија.
„Како припадници на српската заедница, секогаш сме давале придонес за развој во разни полиња во државата и така ќе биде во иднина, но очигледно кај некоја група во СДСМ, која најверојатно треба да се докаже на некој србофоб и србомрзец, свесно од рани утрински часови, па до доцна навечер во речиси секоја втора или трета објава споменува српски, Србија, Срби итн. Мислам дека треба во иднина преку правни механизми да се избориме против дискриминацијата и србофобијата која очигледно владее кај одредени луѓе во СДСМ“, коментира Богдановиќ, според кој соопштенијата на „Бихаќка“ им ги пишува „задоеник со усташка идеологија“.