Македонија

Богоев важеше за можен наследник на Филипче а сега е во притвор

За сериозни злоупотреби при спроведување на јавен тендер со огромна корист

2 минути за читање

Поранешниот директор на Царинската управа и ексградоначалник на Општина Карпош, Стефан Богоев, е приведен во полициска акција поради сомневања за финансиски криминал, корупција и злоупотреби со јавен тендер во Царинската управа.

Поранешниот директор на Царинската управа, ексградоначалник на Општина Карпош и висок функционер на СДСМ, Стефан Богоев, попладнево е приведен во голема полициска акција насочена против финансиски криминал и висока корупција.
Според првичните неофицијални информации објавени акцијата е поврзана со сомневања за сериозни злоупотреби при спроведување на јавен тендер во рамките на Царинската управа, со кој била стекната противправна имотна корист од големи размери.

Од Основното јавно обвинителство за гонење на организиран криминал потврдуваат дека во координација со Управата за финансиска полиција се спроведува опсежна акција на терен. Постапката произлегува од претходна предистрага насочена кон откривање кривични дела извршени од службени лица.

„Под координација на ОЈО ГОКК, Управата за финансиска полиција спроведува акција поради постоење на основано сомнение за сторени кривични дела од коруптивна природа. Акцијата се уште трае“, изјавија кратко од Обвинителството за медиумите.

Богоев е еден од вкупно четирите лица кои се опфатени во рамките на оваа полициска операција. Истражните органи се сомневаат дека приведените ги искористиле своето влијание, општествена положба и углед за остварување лична корист на штета на државниот буџет.

Стефан Богоев важеше за еден од најистакнатите млади кадри во СДСМ. Во периодот од 2017 до 2021 година ја извршуваше функцијата градоначалник на Општина Карпош, по што беше назначен за директор на Царинската управа, а извесен период беше и потпретседател на матичната партија.

Повеќе детали и официјално соопштение од Управата за финансиска полиција и надлежното обвинителство се очекуваат по завршувањето на претресите и распитот на приведените лица пред судија на претходна постапка.

Поврзани теми:

избор|уапсен|Стефан Богоев

Повеќе на оваа тема:

Најнови вести од: Македонија

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

(Видео): Македонија со своја „фабрика“ за производство на алатки за вештачка интелигенција

Македонските стартапи, мали и средни претпријатија, студентите и истражувачите наскоро ќе можат да развиваат сопствени решенија со вештачка интелигенција без да инвестираат во скапа инфраструктура. Тоа треба да го овозможи „Везилка“ – првата национална фабрика за вештачка интелигенција, која ќе ги поврзе домашните компании и академската заедница со европските суперкомпјутери и дигитални ресурси.

Тошковски: Интерпелацијата од Левица е обид за блокирање на борбата против криминалот!

Министерот за внатрешни работи Панче Тошковски ја оцени интерпелацијата поднесена од Левица како политички мотивиран обид за попречување на процесите за борба против криминалот и корупцијата. Интерпелацијата е на дневен ред на денешната собраниска седница, пренесе МИА. Во објава на социјалните мрежи, Тошковски посочи дека станува збор за трета интерпелација против него за помалку од две години и оцени дека зад иницијативата стојат политички, а не суштински мотиви. -Левица ја најави третата интерпелација против мене за помалку од две години. Како и претходните две, и оваа беше претставена преку режирана прес-конференција, повеќе како политички настап отколку како иницијатива заснована на аргументи – наведе Тошковски.

Сајкоски: На кого му пречи што има ред во државата? Кога се разбиени 30 организирани криминални групи треба ли да се напаѓа човекот, кој ги прави нервозни криминалците?!

Ѓорѓија Сајкоски, член на ИК на ВМРО-ДПМНЕ и пратеник на денешната седница во Собранието ги праша пратениците од опозицијата на кого му пречи што има ред во државата, што нема проблеми со патните исправи, што се разбиени 30 организирани криминални групи, запленети се 300 проценти повеќе кокаин од она што било претходно во време на СДС.

Зорица пееше, а Заев играше како што му свиреа грчки политичари додека го распродаваше името Македонија и го обезименуваше македонскиот народ!

Што се случувало на журка во Фурка на Халкидики во 2019 година? Познатиот грчки новинар Ставрос Цимас пишува дека во летото 2019 година, тогашниот македонски премиер Зоран Заев се сретнал на вечера со претставници на новата грчка власт предводена од Кирјакос Мицотакис, која претходно силно се противеше на Преспанскиот договор и добил уверувања од грчки еврокосар дека Мицотакис нема да го оспорува договорот. Во книгата „Скриени аспекти на македонското прашање“ Цимас открива низа малку познати детали поврзани со Зоран Заев.
Сите вести од Македонија

Најнови вести

To top