На официјалниот Фејсбук-профил на Британската амбасада осамна вест која јасно ја потврдува големината и суштината на историскиот договор за стратешко партнерство меѓу Македонија и Обединетото Кралство.
Во објавата се наведува дека премиерот на Обединетото Кралство, Кир Стармер, остварил средба со премиерот на Македонија, Христијан Мицкоски, во рамките на Самитот на Европската политичка заедница, на која го поздравил потпишувањето на новото стратешко партнерство како важен чекор за продлабочување на односите меѓу двете држави.
Македонија ќе има голема корист и ова е значаен партнерски договор кој ќе и помогне на земјата и во евроинтегративниот процес смета пораншениот амбасадор на земјава во Обединетото Кралство. Државата ќе треба мудро да одигра со помошта која ја нуди овој договор за да се унапреди во процесот на интегрирање.
Во објавата се истакнува дека овој историски договор претставува важно достигнување кое ќе го забрза неповратно економскиот развој на Македонија. Се потврдува и зголемената соработка во областите на трговијата, безбедноста и одбраната, како и заемната посветеност на регионалната стабилност.
Оваа објава на Британската амбасада е уште една официјална потврда дека лагите брзо паѓаат, а вистинските стратешки партнерства остануваат и ја носат Македонија напред. Ова е трет договор за стратешко партнерство по тие со САД и Турција.