Македонија

Бугарски аналитичар очекува убедлива победа на ВМРО-ДПМНЕ и крах на СДСМ на локалните избори

Аналитичарот Владимиров предвидува дека 80-90 отсто од општините ќе освои партијата на Мицкоски

1 минута за читање

Аналитичарот Владимир Владимиров од Бугарија предвидува убедлива победа на ВМРО-ДПМНЕ на претстојните локални избори во Македонија.

„Она што ќе се случи на локалните избори е убедлива победа за Мицкоски против опозицијата. По локалните избори тој ќе ја потврди својата силна победа што ја постигна на парламентарните избори. Ќе освои најмалку 80 проценти од општините, да не речам 90 отсто. СДСМ целосно ќе го изгуби легитимитетот и не знам дали воопшто ќе се одржи како партија, дали ќе продолжи да постои во оваа форма. Она што ќе се случи во Македонија по локалните избори е продлабочување на урбанизацијата на земјата“, изјави тој за Бугарското национално радио.

Аналитичарот верува дека ќе има продлабочување на проблемите меѓу Бугарија и Македонија. Според него, ова ќе има негативно влијание и врз европската интеграција на земјата.

„Не сум оптимист за иднината на Северна Македонија. Мораме со посебно внимание да го следиме моментот кога Албанија ќе стане членка на ЕУ“, додаде Владимиров.

 

Поврзани теми:

Владимир Владимиров|БНР|СДСМ|ВМРО-ДПМНЕ|локални избори

Повеќе на оваа тема:

Најнови вести од: Македонија

Убава вест: Крај за договорите на дело во државните институции – работниците ќе добијат вработување на неопределено време

Лицата ангажирани со договор на дело и други видови договори во дел од јавниот сектор ќе добијат можност за вработување на неопределено време, со законско решение што предвидува фазна трансформација на нивните ангажмани.

„Н.М.“: За Македонија отворањето на Уставот не смее да биде приоритет! – Во овој опасен геополитички момент по диктат на Бугарија тоа е самоубиствено!

„Сега во овој опасен геополитички момент отворање прашања по диктат на Бугарија е опасно и самоубиствено. Приоритет треба да се внатрешните реформи, зајакнување на демократските капацитети на државата и создавање широк консензус за стратегиските прашања, за националниот интерес.“ – се нагласува во анализата со наслов „Проширувањето може да предизвика геополитички расцеп во Европа – каде тогаш ќе се (с)најде Македонија“, која е објавена во весникот „Нова Македонија“.

(Фото): Општина Карпош и Град Скопје во заедничка инспекциска акција

Во текот на акцијата се вршеа целосни и детални контроли во рамки на надлежностите на инспекциските служби. Во одредени случаи, беше побарана и теренска придружба од униформирани полициски службеници од ПС Карпош.

Мицкоски: Целта е Македонија да биде земја, во која трудот се почитува, а работата обезбедува достоинствен живот

„Денеска се одржа церемонија за потпишување на Националната програма за достоинствена работа 2026–2030 година, со која се потврдува заедничката заложба за унапредување на работничките права, подобрување на работните услови и создавање повеќе можности за економски напредок.“ – објави на својот фејсбук-профил претседателот на Владата на Република Македонија Христијан Мицкоски.

Книжевна вечер во чест на Ѓорче Петров во Софија, за да биде зачуван во колективното помнење на македонските поколенија

Во Македонскиот културно-информативен центар во Софија се одржа книжевната вечер „Црнилата на себеубивањето“, посветена на ликот, делото и историското наследство на Ѓорче Петров, еден од истакнатите дејци на македонското револуционерно движење. Настанот претставуваше можност преку книжевноста да му се оддаде почит на Ѓорче Петров и да се потврди значењето на културното паметење, како и улогата на македонската литература во зачувувањето и пренесувањето на историското наследство на идните генерации. Ѓорче Петров е еден од идеолозите на македонската револуционерна борба за слобода на македонскиот народ и за создавање самостојна македонска држава. Како жесток борец против великобугарскиот врховизам и поради своите чисто македонски позиции, Ѓорче Петров станал најнапаѓаниот член на ВМРО од страна на великобугарските врховисти.

Сите вести од Македонија

Најнови вести

To top