Поранешниот македонски ракометен репрезентативец кој е играч на битолски Пелистер Еурофарм вчера ја добил најрадосната вест во животот.
Дејан Манасков кој неодамна се ожени за својата долгогодишната девојка Билјана Стојановска, вчера добил син.
Билјана која работи во маркетинг сектор на Канал 5 телевизија на свет донесла здраво машко дете кое причинило огромна радост за нив и нивните фамилии и блиски.
Меѓу најсреќните е дедото Пепи Манасков прославениот екс репрезентативец кој по синот наследник Дејан може да добие и внук ракометар.
На прославата по повод раѓањето на наследникот на Дејан и Билјана се очекуваат ракометарот Гоце Ојлески кој е кум на Манаскови, и други блиски луѓе како Филип Кузмановски, Столе Стоилов…
Не е познато дали на забавата за микрофонот ќе се фати и пејачката Тамара Тодевска, на која Дејан Манасков и е кум а која пееше на свадбата на Дејан и Билјана.