ДУИ вели дека јавното признание од страна на претставниците на ВРЕДИ дека се „страшно слаби“ во Владата не е изговор, туку доказ за целосен политички неуспех, пренесува порталот „Телеграфи“.
Според нив, во време кога регионот оди напред, Македонија станува сè поизолирана, додека политичката и институционалната позиција на Албанците се деградира секој ден.
„Застапеноста (на Алнанците н.з.) се намалува, албанскиот јазик се исклучува, институциите се затвораат за Албанците и секое достигнување изградено низ годините се доведува во прашање. ВРЕДИ не може да се потпре силата на ВМРО-ДПМНЕ. Граѓаните имаат право да прашаат: ако сте толку слаби, зошто продолжувате да останувате во Владата и кому му служи вашето учество?“ – велт интегративците.
„Во исто време, јавното мислење бара сериозни одговори на сè почестите обвинувања за концентрација на економско влијание, тендери и бизнис интереси околу блискиот семеен и политички круг на Изет Меџити во Скопје и пошироко. Овие сомневања мора да добијат транспарентни и институционални одговори. Оваа комбинација од политичка слабост, деградација на положбата на Албанците и сомневања за приватни бенефиции е аларм што треба да го мобилизира секој граѓанин“, велат од ДУИ.