Македонија

Двајца мажи од Скопје пронајдени мртви во викендичка во Гостиварско

Двајца мажи на возраст од по 30 години се пронајдени починати во викендичка во гостиварскиот регион, информираат од Министерството за внатрешни работи.

1 минута за читање

Двајца мажи на возраст од по 30 години се пронајдени починати во викендичка во гостиварскиот регион, информираат од Министерството за внатрешни работи.

Случајот бил пријавен во полиција доцна синоќа, по што на местото на настанот веднаш излегле полициски службеници и екипа на Итна медицинска помош. Лекарот констатирал смрт кај двете лица, при што, според првичните информации, не биле забележани видливи траги на насилство.

Станува збор за две лица од Скопје, а по наредба на јавен обвинител, телата се предадени на обдукција со цел утврдување на точната причина за смртта.

На местото бил извршен увид од страна на јавен обвинител и увидна екипа од СВР Тетово. Истрагата е во тек, а повеќе информации се очекуваат по завршување на обдукцијата.

Поврзани теми:

мвр|топ|починати|СВР Тетово|Гостиварско

Повеќе на оваа тема:

Најнови вести од: Македонија

СВР Тетово: Се преземаат мерки за спречување меѓуетничка нетрпеливост кај младите

Секторот за внатрешни работи Тетово ја информира јавноста во врска со видео материјалите кои се споделени во дел од социјалните мрежи, а се однесуваат на синоќешниот инцидент во кој беа вмешани неколку малолетни лица, дека синоќа тие малолетници се обиделе да проверат кај две 11-годишни деца дали нивната облека содржи обележја на навивачка група, при што изреагирале случајни минувачи и не дошло до физички контакт.

Мицкоски: Над 1200 градилишта низ РМ, вложуваме во автопати, железница, образование и инфраструктура! – Јавните функционери да ја оправдаат дадената обврска!

Премиерот Христијан Мицкоски порача дека Владата во изминатите две години работи на реализација на голем број инфраструктурни и развојни проекти, посочувајќи дека низ државата има повеќе од 1.200 активни градилишта и проекти.

Мицкоски: Никогаш нема да отстапам од интересите на мојот македонски народ! – Гоце е вткаен во нашето постоење, тој е Македонија!

Премиерот Христијан Мицкоски порача дека нема да отстапи од, како што рече, интересите на македонскиот народ, нагласувајќи дека европската иднина на државата треба да се гради со мудрост, реформи и зачувување на националното достоинство.

Муцунски: Наша обврска е да градиме силна и меѓународно почитувана држава, чувајќи ги идеалите со достоинство

Министерот за надворешни работи на Република Македонија Тимчо Муцунски, денеска во Скопје ја предводеше владината делегација која положи цвеќе пред Споменикот на основачите на ВМРО, по повод 23 Октомври – Денот на македонската револуционерна борба.

Мицкоски: Свои на своето и со крената глава! – Со корен во минатото и со верба во иднината, ќе успееме!

„На 23 Октомври, покрај гордоста, треба да почувствуваме и одговорност. Да застанеме пред нивниот спомен, да се поклониме и искрено да се запрашаме: што правиме ние со слободата, за која тие се бореа, за која тие живееја и за која тие ги положуваа своите животи? Каква држава им оставаме на оние што доаѓаат по нас?“ – нагласи претседателот на Владата на Република Македонија Христијан Мицкоски на денешната свечена академија, која се одржа под мотото „Свои на своето!“ по повод Денот на македонската револуционерна борба – 23 Октомври.

Гаши: Само обединети и со почитување на разликите можеме да изградиме држава во која секој граѓанин се чувствува еднаков и безбеден

Овој значаен датум нè потсетува на издржливоста, храброста и напорите на генерациите пред нас во нивната потрага по слобода, достоинство и независна државност
Сите вести од Македонија

Најнови вести

To top