Апарат за ЕКГ на Интерното одделение во болницата во Велес донираше компанијата БРАКО кој ќе го замени расипаниот уред.
Донацијата е на барање на болницата, која се обрати до „БРАКО“ за помош за итна неопходна замена на расипаниот уред, кој е неопходен за нормално функционирање на болницата и за пружање услуги на пациентите.
Велешката фабрика веднаш излезе во пресрет и ја набави потребната апаратура, 12-канално ЕКГ, според спецификацијата доставена од здравствената институција.
При испораката на ЕКГ-то, во име на БРАКО болницата ја посетија Благој Шалев и Ангел Анѓушев, кои заедно со директорот на болницата Александар Бузалков кусо присуствуваа на обуката на персоналот за користење на новата опрема, како и на ставањето во употреба на толку потребниот апарат за пациентите во Велес.