Лидерот на СДСМ, Венко Филипче, во Само интервју на Канал 5, потврди дека поседува виза за Дубаи, но негираше дека ја добил затоа што инвестирал таму.
Рече дека болницата каде би работел нема да ја открие, и потенцираше дека не добил никакво возило на подарок.
„Легитимно е понатаму, јас можам од мојата струка да заработам. Тоа е единствениот начин на кој што јас сакам да заработам. Тоа е легитимна, автентична моја одлука. Среќен сум што добив шанса, оти не добива секој шанса да работи во такви болници“, рече Филипче.
Тој демантираше дека поседува било каков имот во Дубаи.
„Ниту имам инвестиции, ниту згради, ниту имам авиони“, рече тој.
Филипче истакна дека во Дубаи може да се добие виза врз база на тоа кој каква струка има. Истакна дека си има точно наведени кои струки се потребни за кои што може да се добие виза.