Граѓани алармираат за појава на стаорци во близина на паркингот меѓу ТЦ „Буњаковец“ и основното училиште „Ј.Х. Песталоци“. На Фејсбук страницата „Во одбрана на Буњаковец“ утрово беа објавени фотографии од мртви стаорци, а според реакциите на граѓаните, во овој дел од населбата биле забележани и живи глодари.
Фотографиите, според објавата, се направени на 17 септември 2026 година во строгиот Центар на градот.
Граѓаните апелираат до надлежните служби да извршат увид на терен и да преземат соодветни мерки за справување со проблемот.