Претседателот на Собранието Африм Гаши ги отфрли шпекулациите дека, наводно, сакал да ја напушти коалицијата ВРЕДИ.
„Јас сум личност која никогаш не прави предавство. Јас сум со моите пријатели, во моментот кога нема да се согласувам со нив, ќе ја напуштам политиката, но предавството никогаш не било навика во нашето семејство“, изјави претседателот на Собранието Африм Гаши во емисијата „ПодГо“ на Телеграфи.
Што се однесува до обединувањето на ВРЕДИ во една партија, Гаши рече дека завршиле доволно работа кон конечно обединување, споменувајќи го заедничкото претседателство, шефот на заедничкиот штаб за локалните избори, како и заедничката кадровска комисија.
За локалните избори, претседателот на Собранието вели дека очекува победи на колаицијата ВРЕДИ во повеќето општини.
„Добро е да се ослободиме од адреналинот на изборите. Мора да правиме разлика помеѓу локалните и парламентарните избори“ порача тој.
„На локалните избори мора да зборуваме за локални прашања, а не за национални прашања. Да излеземе со подобри кандидати и најдобри проекти и да имаме квалитетна конкуренција. Граѓаните сега се љубопитни да видат колку ВРЕДИ може да даде во локалната самоуправа.
Убеден сум дека во повеќето општини ќе има победа за ВРЕДИ но тоа ќе зависи и од кандидатите, но мислам дека ќе има продолжување на изразувањето на волјата и во локалната самоуправа.
Добро е политичарите да бидат бирани според тоа за што работеле, а не на која партија припаѓаат“, рече Гаши.