Пипл Медиа и Студиото Break A Leg ја донесоа Бронзата во Македонија!
Со гордост објавуваме дека реализацијата на Светското првенство во Хип Хоп 2024, зад која стојат Студиото Break A Leg и маркетинг агенцијата Пипл Медиа, освои бронзена награда на престижниот меѓународен фестивал на креативност White Square 2025, во категоријата INTEGRATED CAMPAIGNS – Breakthrough on a Budget.
Македонија – меѓу најдобрите во светот
Како единствени претставници од Македонија, овој успех е уште поистакнат ако се земе предвид дека во програмата на фестивалот учествуваа 1210 пријави од 38 земји низ Европа, Северна и Латинска Америка, регионот МЕНА, Азија и Кина.
White Square е меѓународно реномиран фестивал, познат во креативната индустрија по тоа што ги наградува иновативните идеи, социјално одговорните практики и решенијата што создаваат вистинско влијание во светот.
Високи стандарди, силна конкуренција
Фестивалските пријави беа оценувани од шест меѓународни жири-состави, составени од признати експерти и добитници на глобални награди од областа на маркетингот, креативноста и комуникациите. Главните критериуми за избор на добитниците беа:
Успех што инспирира
Оваа бронзена награда претставува силна потврда дека идејата, посветеноста и тимската работа се препознаваат и наградуваат, без разлика од каде доаѓаат.
Благодарност до сите кои беа дел од успехот
Голема благодарност упатуваме до фестивалот White Square за признанието, и особено до Трајче Петковски од Студиото Break A Leg, како организатор на Светското првенство во Хип Хоп 2024, кој ни овозможи да бидеме дел од овој голем проект и заеднички да го донесеме овој значаен успех во нашата земја.
#WhiteSquare2025 #StudioBreakALeg #PeopleMediaMKD#HipHop2024 #CreativeExcellence #ProudlyFromMacedonia