Македонија

Гребенаров: Ако продолжи трендот со бугарските пасоши, тогаш Македонците ќе бараат место во Уставот!

Според бугарскиот историчар, 250 илјади граѓани на Македонија имаат државјанство и на Бугарија

Бугарскиот професор и историчар Александар Гребенаров „изброи“ 250.000 македонски граѓани со бугарски пасош, поради што на Македонците им предвиде дека ќе се нашле во ситуација да бараат место во македонскиот устав како Бугарите сега?!

„За период од 10 години 216 илјади македонски граѓани добиле бугарски пасоши, каде што признале дека имаат бугарска свест. Мислам дека има 250 илјади македонски граѓани со бугарски пасоши. Ако овој тренд продолжи, тогаш Македонците ќе се борат за своето место во Уставот во ‘морето’ исполнето со Албанци и Бугари“, изјави Гребенаров во интервју за Љајм ТВ.

Според него, Македонија мора да го почитува т.н. Француски предлог, бидејќи самата го одобрила.

„Северна Македонија е должна да го почитува Францускиот предлог, тој документ беше прифатен како таков, го потпишаа поранешните министри за надворешни работи од тоа време, г-ѓа Генчовска и г-дин Османи. Не сакам да навлегувам во историски детали, но Македонија во Средниот век се нарекувала ‘Долна Бугарија’, а просветителите познати на историјата зборувале и пишувале на бугарски јазик, бидејќи во тоа време немало ниту Македонија ниту Македонци. До Првата светска војна термините ‘Македонија’ или ‘Македонци’ отсуствуваат од историјата“, додаде Гребенаров од Македонскиот научен институт од Софија во интервјуто водено од поранешниот претседател на Здружението на новинарите на Македонија, Насер Селмани.

 

 

Најнови вести од: Македонија

Панел-дискусии во Собранието на Република Македонија

Поздравни обраќања ќе имаат претседателката на Република Македонија, проф. д-р Гордана Сиљановска-Давкова, претседателот на Собранието, Африм Гаши, директорот на Државниот архив на Република Македонија, м-р Димитар Богески и директорот на ЈНУ Институт за национална историја, проф. д-р Митко Панов.

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

To top