Патниците и оние кои ги пречекуваат или испраќаат од Меѓународниот Аеродром Скопје треба да внимаваат на новите правила!
Бесплатното застанување во трааење од 10 минути, таканаречено „Hug & Fly“ пред терминалот ќе важи еднаш во 24 часа, а правилата стапуваат во сила од 1 септември 2026 година.
ТАВ Македонија соопшти дека зоната пред терминалната зграда и понатаму ќе овозможува бесплатно кратко застанување до 10 минути за оставање или преземање патници. Сепак, според новиот режим, едно возило ќе може да ја користи оваа можност само еднаш во текот на 24 часа.
Со автоматското препознавање на регистарските таблички ќе се контролира пристапот на возилата, со цел да се обезбеди непречено одвивање на сообраќајот и да се избегне задржување пред терминалот, особено во периодите со зголемен број патници.
За оние на кои им е потребно подолго задржување, останува достапен големиот паркинг пред терминалната зграда. На располагање има 1.200 места за автомобили и шест места за автобуси.
Подетални информации за правилата и цените за паркирање подолго од дозволените 10 минути во зоната „Hug & Fly“ се достапни на официјалната веб-страница на скопскиот аеродром. објави Скопје1.мк