По дректните закани по животот, повици за насилство и етнички засновани навреди биле упатени кон новинарот и колумнист Ерол Ризаов преку коментари на неговата официјална Фејсбук-страница, ЗНМ побара итно постапување од институциите за спречување на насилство.
Во својата речиси 50 годишна кариера, Ерол Ризааов беше долгогодишен нвинар и еден од главните уредници на „Нова Македонија“, основач на „Утриски весник“ и моментално колумнист на „Незавиен“
Од АВМУ предупредија дека новинарите мора да можат слободно и непречено да ја вршат својата работа, без закани, заплашување и притисоци. Од Агенцијата укажуваат на сериозноста на коментарите објавени на официјалната Фејсбук-страница на новинарот и колумнист Ерол Ризаов, во кои има закани, повици за физичко насилство и навреди по етничка основа.
Според АВМУ, создавањето атмосфера во која заканите кон новинарите стануваат дел од јавниот простор може да има сериозни последици врз слободата на медиумите и слободата на изразување.
„Заканите за физичко насилство, повиците за нанесување повреди или одземање живот, како и ширењето омраза и навреди врз етничка основа, не се дел од легитимната јавна дебата и не смеат да се релативизираат или нормализираат“, порачуваат од АВМУ.
Реагираше и Партијата за Движење на Турците (ТХП) оцени дека заканите, говорот на омраза и етнички мотивираните навреди претставуваат удар врз слободата на изразување и демократските вредности и побара институциите брзо да ги идентификуваат и санкционираат одговорните.