Македонија

Извршен одбор за потврда на кадровските промени на Филипче, Александар Трајановски нов потпретседател на СДСМ

Нема никакво раслојување, навистина има единство – одговори Филипче

2 минути за читање

Лидерот на СДСМ, Венко Филипче, денеска соопшти дека ќе го номинира д-р Александар Трајановски за потпретседател на партијата.

Вечерва ќе се одржи состанок на Извршниот одбор на СДСМ, на кој Филипче најави дека ќе соопшти дел од неговите планови за кадровски и политички промени во партијата.

Филипче побара трпение од членовите и од симпатизрите, зашто, како што рече, овој процес се води внимателно.

– Исклучително посветен човек на партијата, човек кој имаше одлична кампања, привлече многу внимание и мислам дека ова ќе биде значајно кадровско зајакнување на ова ниво на партијата – рече Филипче за д-р Трајановски.

Трајановски беше кандидат на СДСМ за градоначалник на општина Аеродром. Тој е специјализиран ортопед и трауматолог, поранешен директор на Универзитетската клиника за трауматологија, ортопедски болести, анестезија, реанимација и интензивно лекување и Ургентен центар (ТОАРИЛУЦ). Д-р Трајановски е член на Извршниот одбор на СДСМ.

Оваа промена доаѓа по оставката на потпретседателката на СДСМ, Ана Чупеска, која беше поднесена во очи на вториот круг од локалните избори.

Филипче денеска на прес конференција негираше дека понудил место на некој бивш градоначалник и дека бил одбиен. Тој ги оцени како кафански муабети шпекулациите кои деновиве кружат во јавноста.

– Нема никакво раслојување, навистина има единство – одговори Филипче на прашањето дали има поделби во СДСМ.

Поврзани теми:

Венко Филипче|СДСМ|потпретседател|кадровски промени|Чупеска|Александар Трајановскии|Извршен одбор|партиски состанокж

Повеќе на оваа тема:

Најнови вести од: Македонија

Собранието го усвои Законот за игри на среќа – 500 метри оддалеченост од училишта и строги правила за реклами

Со овој Закон е воведувањето задолжителна одалеченост од 500 метри помеѓу објектите на среќа и училиштата, како и регулирањето на давањето подароци, т.н „giveaway“ активности.

В среда последно збогум за Владо Јаневски

Јаневски беше првиот македонски претставник на Изборот за песна на Евровизија во 1998 година со песната „Не зори зоро“, а во текот на кариерата доби бројни признанија, меѓу кои и наградата за трајни музички вредности на годинашното издание на „Златна бубамара на популарноста“.

(Видео): Основната потрошувачка кошничка во Македонија е најевтина во Европа, рече премиерот

Премиерот Христијан Мицкоски изјави дека најновите податоци на Евростат, според кои основната потрошувачка кошничка во Македонија е најевтина во Европа, ги демантираат критиките дека државата не бележи напредок.

Сиљановска-Давкова-Будрис: Проширувањето на ЕУ ќе биде врвен приоритет за време на литванското претседавање со Советот на ЕУ

Претседателката на Република Македонија Гордана Сиљановска-Давкова денеска го прими министерот за надворешни работи на Република Литванија, Кестутис Будрис, кој е во официјална посета на државата.Соговорниците го поздравија отворањето на дипломатското претставништво на Литванија во Скопје, како и одлуката на македонската Влада за отворање амбасада во Вилнус, очекувајќи засилен политички дијалог, поголема економска и културна соработка, како и подобри севкупни односи меѓу двете држави.

Собранието го донесе Законот за игри на среќа и за забавни игри – да бидат оддалечени 500 метри од училиштата

Собранието денеска во рамки на 109. седница ги донесе одлуката за измена на Одлуката за одобрување на продолжување на рокот за постоење на кризна состојба на дел од територијата на Македонија, Законот за игрите на среќа и за забавните игри, а Христина Софронијоска беше избрана за нова заменичка на генералната секретарка на законодавниот дом. Законот за игрите на среќа и за забавните игри беше донесен со 60 „за“, а 20 „против“.

Ристовски: За две години реализирани и започнати 60 спортски проекти вредни над 21 милион евра – спортот повторно е национален приоритет

Министерот за спорт Борко Ристовски денеска на прес-конференција во Владата даде отчет за сработеното во изминатите две години од формирањето на Министерството за спорт, презентирајќи ги реализираните активности, капиталните инвестиции во спортската инфраструктура и проектите што ќе се реализираат во наредниот период. Toj истакна дека Министерството за спорт за само две години реализира и започна 60 спортски проекти, со вкупна вредност од повеќе од 21 милион евра, за разлика од претходната власт која за четири години реализираше само 33 спортски проекти и нагласи дека Владата повторно го поставува спортот меѓу националните приоритети.
Сите вести од Македонија

Најнови вести

To top