Македонија

Јакимовски за „Вејце 2001“: Хероите никогаш не умираат, бидејќи никогаш нема да ги заборавиме

Ги учиме и нашите наследници за жртвата на мачениците од Вејце, порача припадникот на АРМ и тренер на маратонецот Дарио Ивановски

1 минута за читање

Игор МЦ Јакимовски, офицер во Армијата на Република Македонија, со пригодно „слово“ за денешната 25-годишнина од масакрот кај Вејце од терористичката ОНА врз осуммина припадници на македонските безбедносни сили.

„Хероите никогаш не умираат бидејќи ние нивните браќа никогаш нема да ги заборавиме.

Кога ќе бидат заборавени, тогаш тие ќе умрат.

Нема да ги заборавиме и нивните семејства, Ви се колнеме во тоа.

Ги учиме и нашите наследници кои ќе го продолжат патот кој го чекорат супериорните македонски воини. Да ја знаат жртвата на мачениците од Вејце и никогаш да не ги заборават нив и нивните семејства.

Затоа денес сме сите секаде пред нивните гробови и спомен одбележја. Да се потсетиме на нивното животно дело и да им оддадеме почит. Да одбележиме четврт век од кобниот 28 април 2001 и на достоинствен начин да покажеме почит кон загинатите бранители на Македонија.
Нека им е вечна слава…“, напиша на Фејсбук атлетскиот промотор, тренер и менаџер на македонскиот рекордер во маратон Дарио Ивановски.
Популарниот Ем-Си со уште неколкумина денеска го истрчаа меморијалниот маратон „Вејце 2001“ од Кочани до Македонска Каменица, во должина од 25 километри, во чест на загинатите бранители.

 

Поврзани теми:

Дарио Ивановски|Игор МЦ Јакимовски|Вејце

Повеќе на оваа тема:

Најнови вести од: Македонија

Пуштена е во употреба новата детска градинка „Пролет“

Секогаш кога пуштаме еден ваков објект во функција, јас сум посебно задоволен и среќен, бидејќи на овој начин ќе го подобриме квалитетот на живот на многумина, се разбира најмногу на најмладите, на дечињата. Впрочем, намената на ваквите објекти е токму за нив, да почнат да другаруваат уште од најрани години, да стекнуваат знаења, пријателства, да се формираат како личности, изјави денеска премиерот на Република Македонија Христијан Мицкоски при пуштањето во употреба на новата детска градинка „Пролет“ во Трубарево.

Муцунски: Патот кон ЕУ мора да се темели на заслуги, не на билатерални прашања!

Македонија е подготвена да продолжи по европскиот пат, но очекуваме јасни гаранции дека процесот ќе се одвива без нови блокади и со поголема предвидливост, изјави министерот за надворешни работи и надворешна трговија Тимчо Муцунски, одговарајќи на новинарски прашања по средбата со литванскиот колега, Кестутис Будрис, кој престојува во официјална посета на земјата. На прашањето како го коментира тоа што министерот Будрис изјави дека сега е моментот за проширување и треба да се искористи, Муцунски оцени дека постои широка поддршка од земјите-членки за напредокот на Македонија, но дека се неопходни јасни уверувања за непречено одвивање на евроинтегративниот процес.

Будрис: Македонија е на вистинскиот пат

Ја имате нашата целосна поддршка и помош во овој процес. Споделуваме иста стратешка визија и веруваме во силна, обединета и безбедна Европа – истакна министерот за надворешни работи на Литванија на денешната средба со шефот на македонската дипломатија Муцунски
Сите вести од Македонија

Најнови вести

To top