Актерот Владо Јовановски со порака за Бугарија и бугарскиот народ од пред споменикот на 12. младинци од Ваташа стрелани на 16 јуни 1943 година од бугарската војска и полициски одреди во Втората светска војна.
„Колку ли е тешко да се покаеш и да кажеш: Извинете, многу згрешивме, виновни сме!
Направивме злосторство кое е невозможно да се оправда, но се каеме и се срамиме од тоа и ве молиме да ни простите.
Браќа Македонци, затоа што во тоа време-невреме, нашите предци беа на фашистичката страна на историјата, сторени се злосторства, како злосторството со убиените деца во Ваташа, и ве молиме, иако е многу тешко, да ни простите, оти ние, нивните синови и внуци, не треба да бидеме виновни за нашите татковци и дедовци.
Нема да бараме од вас да станете Б’лгари, за да станете составен дел од Европската Унија.
Е тоа е вистинско братство и заедништво со Р. Бугарија и со бугарскиот народ, кој е опрашен од македонскиот ген, од македонското Слово, од македонската култура, фолклор, преданија, митологија…
За такво братство се залагам и би го поддржал со двете раце!
Сè друго е непристоен предлог и уцена“, објави Јовановски на Фејсбук заедно со фотографии од себе пред споменикот во Ваташа на жртвите од масакрот од пред 83 години.