Кандидатот на СДСМ за градоначалник на Охрид Асен Шајн запали свеќа по изборот и најави Господ ќе го води напред.
,,Вербата во Бога е исконското и она кое ќе не’ води напред.
Со мудрост и чиста мисла, да го трасираме вистинскиот пат.
За многу години”, напиша Шајн објавувајќи слика на која што се крсти и пали свеќа.
Вчера според православниот календар беше Апостол Јуда, братот Господов.
Во објавата на СДСМ Охрид за кандидатот за градоначалник на Општина Охрид – д-р Асен Шајн се вели дека тој е човек со искуство, човек на кој може секој да се потпре, човек кој ќе ги ислуша грижите на секој еден охриѓанец и кој достојно ќе го претставува својот народ.
Тој верува во вредностите на СДСМ – еднаквост, правда, хуманост и напредок за секого поради што Социјалдемократски сојуз на Македонија е сигурен дека токму д-р Асен Шајн ќе донесе нова енергија, искреност и визија за Охрид, градејќи град по мерка на граѓаните, се вели во објавата на партијата.