Билал Касами, градоначалникот на Тетово и кандидат од Вреди за повторен избор на оваа функција, во интервју за косовската „ТЕВЕ 1“, осврнувајќи се на резултатите од локалните избори, како и за коалицијата Национална алијанса за интеграција, предводена од ДУИ, истакна дека „гласачите го осудија лидерот на едното крило на Алијанса за Албанците Арбен Таравари за неговите политички игри“, додавајќи дека „Таравари е подготвен денес да му го сврти грбот на Али Ахмети“.
„Гласачот го осуди Таравари за неговите политички игри. Денес соочен со таквата ситуација, со клиничката смрт на Али Ахмети, Таравари е подготвен да му сврти грб. Но, Таравари треба да остане блиску до Али Ахмети. Штом влегоа заедно во битката, треба да останат до крај.“ – посочи Билал Касами.