Политичките пресметки на македонските, СДСМ и албанските политички партии, ДУИ врз грбот на Србите во Македонија, што во пракса се одвива преку мене лично, добива загрижувачки размери, предупредува Иван Стоиљковиќ кој беше Министер за Политички систем и односи меѓу заедниците а сега ќе води министерството за локална самоуправа.
,,Ксенофобијата, шовинизам нешто што беше поразено уште во 1945. година уште живее, поточно се повампирува во потомците на фашистичката идеологија и еве веќе подолго време, секој ден во изминативе две години министерување се повторува, вели Стоиљковиќ кој потенцира дека незаслуженот молк на јавноста продолжува.
,,После низа небулози изнесени од ДУИ и нивните сателити од СДСМ кои кулмираа денеска при изборот на нови министри во Владата имавме можност да слушнеме скоро од сите говорници на опозицијата. Неверојатно, реконструкција на Влада, а главна тема моето досегашно, успешно учество во Владата, но и идно, не знам од што се плашат. За СДСМ спорно е учеството на ДПСМ во власта и за нив по можност исто како и за ДУИ пожелно е Србите и да не постојат во Македонија, да ги нема никаде, како би можеле на раат да функционираат во државата која со нивните политики ја руинираа, политички, уставно, законски, институционално и на секој начин”, порачува Стоиљковоќ.
Лидерор на Демократската партија на Србите во Македониjа вели дека јавноста и понатаму може молчи и да нека биде без соодветна реакција и осуда за носителите на отворената омраза и ксенофобијата, кои согласно нивното дејствување малтретираат, дискриминираат, потикнуваат и разгоруваат омраза врз основа на национална припадност (сите се кривични дела).
Но тој нема да ги остави без реакција изливите на се позачестената, и со ништо непредизвикана антисрпска хистерија во општеството чии носители се СДС и ДУИ.