Владата најави кампања за поттикнување на купувањето домашни земјоделски производи, па затоа ќе анализираме колку храна се произведува во земјава, колку од суровините се од македонските ниви и колку се конкурентни цените на домашните производи. Следната недела ќе ја анализираме најавата на гувернерот за намалување или укинување на банкарските провизии. Ќе пишуваме за употребата на вештачката интелигенција во медицината.
- Кампањата „Купувај домашни земјоделски производи“ за промоција на домашното земјоделско производство е во завршна фаза. Сите детали за оваа кампања, која е со огромна важност за македонските граѓани, земјоделци и преработувачи на храна, како и повеќе детали, ќе бидат споделени со јавноста од страна на Министерството за земјоделство, шумарство и водостопанство. Целта на Министерството и на Владата со кампањата е да се поттикне растот на домашната економија, со што директно ќе се влијае врз зголемувањето на потрошувачката на земјоделските производи што ги произведуваат македонските земјоделци – нагласуваат од Владата.
Според најавите, секој производ што е произведен во Македонија ќе биде обележан и лесно препознатлив, со што ќе им се овозможи на граѓаните полесно да ги препознаваат домашните продукти и со тоа да се зголеми побарувачката на македонските производи на пазарот, што треба да придонесе за зголемување на земјоделското производство во Македонија.
Со кампањата се предвидува секој производ да биде обележан дали е произведен во Македонија или е увезен од друга земја. Ќе анализираме како оди продажбата на автомобили, а ќе направиме и преглед за најдобрите електрични автомобили.
Каде да се инвестира, во САД или во Европа е едно од прашањата на кое ќе се обидеме да најдеме одговор, а ќе се провериме и колкави се шансите земјава поевтино да се задолжува.