Македонија

Кога Македонците ќе зборуваат без роаминг со граѓаните од земјите од ЕУ?!

Граѓаните на Македонија ќе зборуваат без дополнителни трошоци за роаминг со граѓаните од Унијата дури на есен. Најавата за евентуално укинување од 1 јануари годинава, паѓаат во вода. Обврските и критериумите кои Брисел го бара од нас и останатите земји од Западен Балкан, се уште не се завршени, па затоа Македонците и натаму остануваат да чекаат подобро време.

Убава вест за Македонците малку ќе почека. Од 1 јануари 2026 година, Украина и Молдавија официјално станаа дел од европската „Roam Like at Home“ зона, што им овозможува на граѓаните да повикуваат, испраќаат пораки и користат мобилен интернет во земјите на Европската Унија без дополнителни трошоци над домашните тарифи. Ова значајно олеснување претставува практична придобивка од пошироката интеграција на двете земји со ЕУ и е резултат на одлуки на Европскиот совет и заеднички договори кои ги вклопуваат Украина и Молдавија во рамките на правните правила на „Roam Like at Home“.

Можноста за бесплатни разговори на земјите од Западен Балкна со граѓаните од Унијата ја најави Марта Кос, уште во јули минатата година. Но, под услов да се спроведат бараните реформи.

Меѓутоа, Македонија сè уште не ја има оваа можност, поради тоа што Западниот Балкан, вклучително и нашата земја, нема создаден правен механизам со ЕУ на ист начин како Украина и Молдавија, што би овозможило целосно укинување на надворешните роаминг надоместоци. Европските институции потврдуваат дека постои потреба од нова правна рамка која би ги поврзала земјите од Западен Балкан со зоната „Roam Like at Home“, но таа сè уште не е усвоена.

Процесот активно се спроведува, вели министерот за дигитална трансформација Андоновски. Македонија е меѓу првите земји од Западен Балкан што ги исполнува законските национални обврски и критериуми, кои се предуслов за приближување кон европскиот модел на роамниг.

  • Во таа насока, во октомври беше донесен акциски план, а на 30 декември 2025 година беа усвоени измени и дополнувања на Законот за електронски комуникации. Во тек е финалната подготовка и усогласување на подзаконските акти, со очекување сите национални предуслови да бидат исполнети до крајот на јануари или почетокот на февруари. Важно е да се нагласи дека воведувањето на „роаминг како дома“ со Европската Унија не е едностран процес и не зависи исклучиво од една држава.

Дополнително, процесот се одвива постепено и бара усогласување на техничките, регулаторните и пазарните услови помеѓу операторите и институциите во регионот. Тоа значи дека, иако Македонија работи на воведување на слични дигитални стандарди и намалување на трошоците за роаминг во соработка со ЕУ, целосното укинување на надоместоците сè уште бара време и договор на повисоко правно ниво.

Со други зборови, Украина и Молдавија влегоа во зоната „Roam Like at Home“ преку специфични одлуки на ЕУ, додека Македонија се уште чека на правно регулирање и усогласување што би ѝ овозможило слични услови со Унијата во иднина.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top