Зоран Ставрески, Трајко Славевски и Анита Ангеловска Бежоска, ова се главните кандидати за гувернер на Народната Банка. До крајот на неделава ќе се знае кандидатот кој ќе добие поддршка и од власта, а на 20ти месецов ќе има и официјален избор во собранбието од страна на пратениците. Но, освен овие, листата на можен прв човек на Централната банка се надополнува и со Маја Кадиевска Војновиќ и Борче Треновски.
До крајот на неделата ќе се знае кој ќе добие поддршка за нов гувернер на Народната банка, а изборот ќе биде во Собранието на 20-ти мај. Петгодишниот мандат на актуелната гувернерка Анита Ангеловска Бежоска, која стапи на функцијата на 22 мај 2018 година, истекува на 21 мај, а Мицкоски уверува дека рокот ќе биде испочитуван.
Премиерот веќе разговарал за ова со претседателката Сиљановска Давкова. За него е најважно да се зачува макроекономската стабилност и уверен е дека сите кандидати кои се во игра се искусни и вонсериски. Во игра за гувернер, според медиумите, се имињата на актуелната гувернерка Анита Ангеловска Бежоска, поранешните министри за финансии Зоран Ставрески и Трајко Славески, како и поранешната вицегувернерка Маја Кадиевска-Војновиќ.
Инаку, актуелната гувернерка Анита Ангеловска Бежоска во нејзиниот мандат доби неколку признанија од еминентни меѓународни финансиски институции за менаџирањето на макроеконмската стабилност и тоа во време на енергетската криза и борбата со инфалцијата. Во овој нејзин мандат Македонија направи историски чекор во делот на прекуграничните плаќања, односно стана членка на СЕПА.