Шпанската free to air телевизија објавува репортажа за Охридското Езеро како едно од најстарите езера во светот и најдлабокото на Балканот, познато по својот богат биодиверзитет и место на светското наследство на УНЕСКО.
Авторката Аине Дијаз пишува неговата исклучителна природа што вклучува признание од УНЕСКО а Охридското Езеро во нарекува јавна тајна… но сепак тајна.
Што пишува Lasexta за тие што не знаеле досега?
Се наоѓа помеѓу Македонија и Албанија, во планинска област, а неговиот слив зафаќа површина од над 358 квадратни километри. Неговиот биодиверзитет се мери според бројот на видови што ја населуваат областа – повеќе од 1.200, вклучувајќи 200 ендемски за езерото, како што се охридската пастрмка, белвица и други видови мекотели, алги и ракови.
Исто така езерото е суштинско подрачје за водни птици, особено ако зборуваме за загрозени видови како што се црните патки или далматинскиот пеликан.
И најдобро од сè: тоа е чист екосистем, со кристално чисти води и видливост над 20 метри, и покрај фактот дека туризмот неодамна се зголеми и веќе има извештаи за прекумерен риболов.
Охридското Езеро е совршено за едрење, пливање и уживање во еден ден на плажа. Најпознатите плажи на езерото се плажата Канео и Лабино, обете во близина на Охрид, но има и други во потивки области во близина на мали населби како Пештани или Градиште.
За да се движите низ езерото, можете да изнајмите кајак или можете да резервирате разгледување и да уживате во изгрејсонцето или зајдисонцето на езерото.
А што е со архитектонското наследство на областа?
Го споменуваме затоа што е сигурно значајно, благодарение на места како историскиот центар на Охрид со неговите тврдини, калдрмените улици, античките цркви, па дури и амфитеатар.
Исто така, интересни се црквата Свети Јован во Канео, средновековната Самуилова тврдина, манастирот Свети Наум, во кој се наоѓаат византиски фрески и до него може да се стигне со брод.
Заливот на коските, рекреација на праисториска населба, исто така вреди да се посети.
Повеќе активности за уживање во и околу Охридското Езеро?
Пешачење, планински патеки, нуркање во Заливот на коските, па дури и параглајдинг. Секако, со оглед на сите активности на отворено што можете да ги уживате околу Охридското Езеро, не треба да ви кажеме дека летото е совршено време за посета. Можеме да кажеме дека од мај до октомври нуди одлични можности, но врвот на летото, од јуни до август, е особено добар.