Во Кристалната сала на Собранието на Република Македонија вчера беше доделена државната награда „23 Октомври“ за 2025 година.
На свечената церемонија дел од лауреатите ја пееле државната химната посилно и пострасно за време на прекрасната изведба на хорот Света Злата Мегленска.
Според видеото кое до редакцијата Expres.mk го достави член на семејството на еден од добитниците, актерот Гоце Тодоровски и писателот Александар Кујунџиски најгласно ја пееле ,,Денес над Македонија се раѓа”.
Наградата се доделува за долгогодишни остварувања во областа на науката, културата, образованието, заштитата на државните интереси и промоцијата на државните приоритети, вредности и културно-историското наследство од јавен интерес на Република Македонија.
Годинава за остварување во областа на културата и уметноста наградата им беше доделена на актерот Гоце Тодоровски, на писателот за деца и возрасни Александар Кујунџиски, на поетот, романсиер, драмски писател и новинар Братислав Ташковски и на писателот, академик Божин Павловски.
На доделувањето на наградата присуствуваше и претседателката Гордана Силјановска-Давкова.