Македонската тенисерка Лина Ѓорческа со историскиот успех и квалификациите за главната жрепка на Вимблдон освои најмалку 110 илјади евра или една петина од затаботката во нејзината цела кариера.
Со победата во финалето на квалификациите против Лучија Бронцети, 31-годишната Тетовка станува првата Македонка која ќе настапи на главниот турнир на „Светиот терен“ во последните години со што и се гарантирани 80.000 фунти (околу 6,8 – 7,2 милиони денари).
Само за учество на главниот турнир, Лина ќе инкасира £80.000 (околу 110.000 евра), дури и во случај на пораз во првото коло. Ова е значително финансиско признание за нејзиниот напор и квалитетен сезонски перформанс.
Наградниот фонд на Вимблдон 2026 изнесува рекордни 64,2 милиони фунти.
Во зависност од понатамошниот успех, Лина може значително да го зголеми својот заработок:
1. коло: £80.000
2. коло: £126.000
Осминафинале: £185.000
и така натаму, со шампионскиот чек од 3,6 милиони фунти.
Овој успех претставува круна на долгогодишната работа и посветеност на Лина, која во изминатиот период покажа одлична форма и континуиран напредок на рангирањето.