„Секој од нас треба да го почитува законот без исклучок. Меѓутоа, пред да судиме и да предрасудуваме, оваа наша ромска заедница, која со години е оставена на маргините, треба да биде поддржана. Тоа воопшто не би претставувало трошок за државата или за општините (имајќи предвид дека речиси сите кандидати за градоначалник во своите програми имаа слична мерка) да го финансираат стекнувањето на возачка дозвола за овие мажи и жени, кои се грижат за и ги издржуваат своите семејства“, објави Лога.
Премиерот Мицкоски најави жесток одговор по вчерашните протести со палење оган поради „Безбеден град“, Тој побара од министерот Панче Тошковски итна и остра реакција против сите лица, кои ги нарушија јавниот ред и мир за време на протестите против „Безбеден град“.
На вчерашните протести во битолско и кочанско, група граѓани вчера палеа гуми, отпад и дрва, блокирајќи ги коловозите во знак на протест поради одземањето на возилата кои ги управувале без возачка дозвола. Жители на неколку ромски населби кои излегоа на блокадите изнесоа тврдења за наводна дискриминација, наведувајќи дека многумина од нив немаат завршено образование и затоа немале услови да полагаат за возачка дозвола.