Македонија

Македонците од Бугарија го одбележаа роденденот на Вапцаров

Пред споменикот на македонскиот поет во Банско чествуваа од ОМО „Илинден“ – ПИРИН, ОМО „Илинден“, „Толерантност“ итн.

1 минута за читање

Организации на Македонците од Бугарија денеска одбележаа 116 години од раѓањето на македонскиот поет Никола Јонков Вапцаров.

ОМО „Илинден“ – ПИРИН, ОМО „Илинден“, Комитет за заштита на човековите права „Толерантност“ и други македонски организации во Бугарија положија свежо цвеќе на споменикот на Вапцаров во родното Банско, Пиринска Македонија.

Пред присутните говор за ликот и делото на големиот македонски патриот одржа копретседателот на ОМО „Илинден“ – ПИРИН, Ристо Џипунов.

Чествувањето на роденденот на авторот на вонвременската максима „Ние сме Македонци и нашето творештво треба да биде во служба на македонската кауза“ продолжи со веселба во блиското село Бања.

Иако творел на бугарски јазик, Вапцаров недвосмислено се определувал како Македонец, а поради својата револуционерна дејност е уапсен, четири месеци ѕверски измачуван од бугарската фашистичка полиција и осуден на смртна казна, извршена на 23 јули 1942 година, заедно со уште еден македонски великан Антон Попов во дворот на една софиска касарна.

Поврзани теми:

Бугарија|ОМО „Илинден“|ОМО „Илинден“-ПИРИН|Никола Вапцаров|Банско|Бања

Повеќе на оваа тема:

Најнови вести од: Македонија

Почина Волф Ошлис, амбасадорот на македонската кауза: Ако Европа ја изгуби Македонија, ќе се изгуби и себеси!

На 30 август 2026 година германските научни платформи објавија потврдена вест, која е повеќе од тажна за македонскиот народ и Република Македонија: уште на 18 август 2026 година почина професор доктор Волф Ошлис, германскиот и европски македонист со непроценливо значење на неговиот политичко-јазичен македонистички ангажман за македонскиот народ и јазик, за одбраната на националната, идентитетска, јазична, културна и историска засебност и самобитност на Македонците наспроти сите нивни негирања како народ. Неговата реченица: „Нема ништо полесно отколку да бидеш пријател на Македонија. Јас сум тоа од 1975 година…“ ја одразува неговата длабока професионална, но и лична, чувствена врска со македонската кауза, со Македонците и Македонија

Легендарниот македонски војвода Александар Турунџе пред да си стави јамка на вратот на 30.8.1905: Македонија ќе биде слободна!

„Личната трагедија на македонскиот револуционер, ајдутин, четник и војвода Александар Турунџев, кој е предаден на турските власти за 150 златници од свој сонародник, по што бил обесен на Ат-Пазар во Битола на 30 август 1905 година, освен што е симбол на она што многу често провејува низ македонската историја – предавството, многу повеќе е национален херој и симбол на борбата за слобода на македонскиот народ.Погубувањето на Турунџев се одвивало пред бројни сведоци, меѓу кои и неговата сопруга и нивните две малолетни деца, ќерка и син, кои биле принудени немо да го гледаат испуштањето на последниот здив на својот татко.“ – објави Македонската информативна агенција – МИА.

Штип е без вода: Филтер станицата исклучена, поради крајно големата заматеност од синоќешното невреме

Градот Штип од 14 часот е без вода за пиење. Филтер станицата се исклучи од цевководот на хидросистемот „Злетовица“ поради големата заматеност на водата која пристигнува од браната Кнежево, информираше на вонредната прес-конференција директорот на ЈП Исар Штип Александар Арсовски.

ЗНАМ го осудува глорифицирањето на воените злосторства

Движењето ЗНАМ најостро ги осудува воените злосторства случени на поранешните југословенски простори, вклучувајќи ги и хашките случаи во Македонија од 2001г., и секој обид за нивна глорификација, релативизација или оправдување
Сите вести од Македонија

Најнови вести

To top