Илјадници граѓани, од Скопје, неговото родно Радовиш и Раклиш, од Македонија и од други континети, со тага и болка се простија од младиот визионер, спортист и бизнисмени – Душко Чифлиганец, Душко ќе почива во дворот на храмот „Св. Јован Крстител“ во Скопје, чии ктитор е семејството Чифлиганец.
Ова го објавува Телевизија Кобра од Радовиш, градот од каде потекнува семејството Чифлиганец.
Посмртните останки на младиот бизнисмен, кој трагично го загуби животот во несреќа со мотоцикл во Чешка, беа изложени вчера во црквата „Свети Јован Крстител“ во скопската населба Аеродром, во близина на мостарските „Близнаци“, објави ТВ Кобра.
Црквата е ктиторство на неговиот татко, познатиот македонски стопанственик и универзитетски професор Ванчо Чифлиганец.
Погребната церемонија започна во 14 часот, а опелото го водеа свештеници на Македонската православна црква – Охридска архиепископија, предводени од архиепископот г.г. Стефан.
Семејството Чифлиганец упати јавна благодарност до сите кои во овие тешки денови им изразиле сочувство и поддршка.
Трагичната смрт на Душко Чифлиганец, кој беше заменик-претседател на „Адора Бизнис Групација“, силно одекна во јавноста. Тој беше познат по својот професионализам, енергичност и семејните вредности, оставајќи длабока празнина меѓу блиските, колегите и пошироката заедница, објави ТВ Кобра.
Линк до видеото
Најнова вест
Огромна загуба за политичарот кој во земјава е познат како најрадикален противник на Македонија во битката за името
Балканот вознемирен од двојно убиство, еден преживеал, убиецот е во бегство