Македонија

Македонскиот народ признат од Русија два века пред да го „измисли“ Тито

Свештеник на МПЦ-ОА објави руски државен документ од 1752 година, во кој Македонците стојат покрај Србите, Бугарите и Власите

Антониј Петрушевски, парохиски свештеник од Куманово при Македонската православна црква – Охридска архиепископија, открива руски државен документ од 1752 година, со кој недвосмислено се потврдува самобитноста на македонскиот народ два века пред да го „измисли“ Јосип Броз Тито, како што тврди официјалната бугарска политика од Тодор Живков наваму.

„Ако на сајтот на Целосно собрание на законите на Руската империја, https://nlr.ru/e-res/law_r/search.php во полето за Собрание изберете 1649-1825, во Номер закона внесете: 9921, и потоа во полето Страница: 571, на дното на страницата што ќе се отвори може да се прочита: „…православные народы Сербскій, Македонскій, Болгарскій и Вологскій…“

Указот бр. 9921 од 1752 година претставува официјален руски државен документ во кој Македонците се споменуваат како посебен православен народ, различен од Србите, Бугарите и Власите.

Во официјалниот руски државен документ бр. 9921 од 1752 година постои јасно сведоштво дека се употребувал етнонимот „македонски народ“, при што Македонците биле наведени како посебен православен народ покрај Србите, Бугарите и Власите (т.е. Романците).

Овој документ е силен аргумент против политичката теза дека терминот „Македонци“ е вештачки создаден во 1944 г. Тој цврсто докажува дека тоа име било живо, препознатливо и официјално администрирано во највисоките државни институции на една светска империја уште во средината на 18-от век, односно претставува уште еден доказ за континуитетот на македонското име, кој потврдува дека македонскиот идентитет не паднал од небо во 20-от век, туку имал свој природен, вековен развоен пат“, објави Петрушевски на Фејсбук.

 

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top