Премиерот Христијан Мицкоски денеска увери дека нема опасност од енергетска криза или недостиг на гас поради санкциите на САД и ЕУ кон Русија, нагласувајќи дека Владата е подготвена и работи на спречување на такви проблеми. На новинарско прашање, тој потсети дека за време на неодамнешните ремонтни активности на гасоводот, потпишани од претходната влада, снабдувањето не било прекинато, а топланите работеле. „Не, нема да има криза, подготвени сме. Ова го предвидовме и работиме заеднички за да не се случи. Не треба да ја оптоваруваме јавноста со такви детали“, изјави Мицкоски, додавајќи дека Владата координира мерки за енергетска стабилност.