Пратеникот Антонио Милошоски оценува дека СДСМ во моментов нема политички компас на делување, жестоко се пресметува со секој во и околу партијата со поинакво мислење, а раководството се чувствува несигурно поради можни истраги од надлежните институции.
„Венко Филипче се појавува како јавно лице на СДСМ, но според тонот и речникот може да се насети дека вистинското влијание доаѓа од други актери во заднина. Некој друг го има далечинското во рацете. Венко Филипче само номинално е претседател на СДСМ, а суштински гледаме дека не ги креира политиките на оваа, до пред извесно време, битна политичка партија во Македонија“, изјави Милошоски за Алфа ТВ.