Натаму митрополитот Григориј истакнува: Бугарија сака да ги корегира историските факти за постоењето македонски народ. Таа ги крши основните човекови слободи и права на македонскиот народ и извршува злосторство врз него. Империјалистичката стремеж на Бугарија за менување на идентитетот и за бугаризација на Македонците, е политика на неправда и таа веќе раѓа катастрофи и војни, засега само зборовни и дипломатски меѓу двата народа.
Кога ЕУ ѝ дозволува на Бугарија да интервенира во уставот и законите на Македонија, тоа е насилно и нелегално мешање во внатрешните работи, во законодавниот и политичкиот систем на суверена држава. ЕУ со својата политика кон Македонија постојано ја прикажува како ничија земја. Ова е поттик на странските сили да ја анектираат; да создаваат долгорочна можност за прекројување на границите.
Законските измени што Бугарија ги бара ќе создадат уништување и постепено менување на свеста на Македонците, дека е таа бугарска свест. ЕУ ги принудува Mакедонците да ги убиваат своите претци во минатото и своите потомци во минатото.
За многу години празникот на Свети пророк Илија! За многу години Републиката, сопственоста на народот Македонски! За многу години опстојот на Македонија! Честити и вековити двата Илиндена! – порачува митрополитот Григориј во своето илинденско слово.
Митрополит Кумановско–осоговски на МПЦ – ОА Григориј (Литургија.мк)