Адвокатот Јанаки Митровски реагираше со објава на Фејсбук по определувањето домашен притвор за бегалецот Артан Груби кој по 14 месеци „отсуство“ од земјата, вчера утрото беше уапсен на граничниот премин „Блаце“.
Во објавата, адвокатот вели дека од „објективни причини“ нема да ја коментира мерката домашен притвор, но упати порака до одредени адреси:
„Следен пат кога за обичните смртници кои ги застапуваме ќе се бара притвор, особено на неосудувани или нема да се прифати гаранција, нема да бидам препознатливо борбен. Има да гризам“, пишува Митровски и додава:
„Абе гол ќе се соблечам и нема да тренирате строгост на обични смртницикога на оние кои ја покрадоа државата пеперевка им играте“.