Македонија

Мицкоски: Никој нема право семејна трагедија да ја користи за политички поени

Особено во период кога општеството треба да говори за достоинството и безбедноста на жените

2 минути за читање

Премиерот и лидер на ВМРО-ДПМНЕ, Христијан Мицкоски денеска реагираше на прес-конференцијата на претседателката на Форумот на жени на СДСМ, оценувајќи дека трагичниот настан во скопската населба Карпош се користи за политички напади.

Според Мицкоски, настапот на претставничката на СДСМ бил проследен со симболика што, како што рече, асоцирала на Шарената револуција, но и на трагедијата во која животот го загубија мајка и нејзината ќерка.

-Во пресрет на 8 Март беше одржана прес-конференција на Форумот на жени на СДСМ, на која претседателката беше опкружена со млади жени со црвено обоени дланки. Со тоа, според мене, се правеше асоцијација и на Шарената револуција, но и на трагедијата во Карпош. Токму тој настан беше искористен како повод за дневнополитички напади. Никој нема право семејна трагедија да ја претвора во средство за политички поени, особено во период кога општеството треба да говори за достоинството и безбедноста на жените, изјави Мицкоски.

Тој оцени дека настапите на СДСМ во последниот период, според него, се сведуваат на повторување на исти политички наративи и обвинувања.

-Кога една политичка структура постојано ги повторува истите приказни и напади, станува јасно дека проблемот не е само политички. Сериозно сме загрижени за состојбата во која се наоѓа раководството на СДСМ. Се гледа паника и очајнички обиди трагедијата да се искористи како политичка платформа, изјави премиерот.

Мицкоски нагласи дека државата се наоѓа во сложен меѓународен контекст и повика на поголема политичка одговорност.

-Живееме во тешки историски времиња. Им благодарам на граѓаните кои ја даваат својата поддршка и не подлегнуваат на овие хистерични обиди од СДСМ. Економиите се под сериозен притисок, а стабилноста на многу држави е ставена на тест. Во вакви околности потребна е одговорност, а најмалку што ни треба е паника, рече Мицкоски.

Изјавата на премиерот доаѓа по прес-конференцијата на Форумот на жени на СДСМ, на која беа изнесени критики кон власта во врска со трагедијата во скопски Карпош.

Поврзани теми:

избор|СДСМ|лидер на ВМРО ДПМНЕ и премиер Христијан Мицкоски|семејна трагедија|политички цели

Повеќе на оваа тема:

Најнови вести од: Македонија

Египќаните во Македонија се оградуваат од Рубин Земон: Со негатори на македонскиот народ не би се сретнале, а камоли да пиеме кафе!

Припадниците на посебната и автохтона етничка заедница Египќани во Македонија се оградуваат од ставовите и постапките на Рубин Земон, бидејќи, како што велат тие се лично негови.

Кекеновски: СДСМ и Филипче паничат и хистеризираат, оти правдата им тропа на врата! Судиите и обвинителите мора да го казнат криминалот и башибозукот на арамиите!

„До кога СДСМ ќе размислува, дејствува и ќе реагира на ваков начин како што реагира цело време откако Филипче е на чело на партијата? Секогаш кога ќе се отвори прашањето за криминал, корупција и барања судиите и обвинителите професионално, одговорно и согласно законот да си ја вршат работата, веднаш почнуваат приказните за „притисок врз обвинителството“ и „загрозена независност на судството“.Целата оваа нервоза и паника што јавно ја демонстрираат СДСМ и Филипче секогаш кога ќе се повикаат судиите и обвинителите на совесно работење и да не потпаѓаат под политички влијанија, најверојатно е резултат на стравот дека правдата конечно може да стигне и до нив!“ – нагласува универзитетскиот професор Јове Кекеновски во својата колумна, која ја објави информативниот портал „Курир“.

ВМРО ДПМНЕ: За Филипче „Бугари во Устав“ е единствен проблем со Бугарија, но по тоа би уследила промена на сета историја на Македонија и негирање на македонскиот јазик!

„Само Венко Филипче, специјалниот пратеник на Румен Радев во Македонија, слепо верува на неговите политики дека уставните измени се последната пречка за нашиот влез во ЕУ. Но, уставните измени не се последната пречка, ниту се последно барање на Бугарија.“ – реагира жестоко ВМРО ДПМНЕ.

Роамингот меѓу Македонија и ЕУ на чекор до укинување

Aмбасадорите на земјите членки на ЕУ на 3. јуни треба формално да го разгледаат и одобрат мандатот за почеток на преговори, а потоа министрите на Унијата да ја потврдат одлуката. Со тоа Европската комисија би можела да почне билатерални разговори со секоја држава од Западен Балкан одделно, меѓу нив и Македонија. Но важната реченица за граѓаните е оваа: роамингот сè уште не е укинат. Ова е отворање пат, не финална рампа што веднаш се крева.

Скандалозно омаловажување и негирање на Македонците од Сулејмани: Тоа е народ на туѓи херои, а можеби се и внуци на првите балкански диносауруси!

„Денес нашите македонски соседи го слават Денот на азбуката. Сериозен празник, со сериозни говори, сериозни академици и луѓе, кои сериозно климаат со главите, како азбуката да им ја оставил нивниот дедо во неговиот тестамент. Азбуката, како што е познато, ја донеле браќата Кирил и Методиј – Бугари или не, но ова е тема што сè уште ги прогонува историчарите од регионот. Но, проблемот започнува штом групата ќе испие неколку чаши ракија и ќе почне да раскажува чудни приказни. Затоа што, според официјалната верзија, Македонците денес се во исто време: и Словени, и антички, потомци на Александар Велики, братучеди на Сонцето од Вергина! А ако можеби ќе се појават дека се дури и внуци на првите балкански диносауруси.“ – наведува публицистот и „аналитичар“ од Куманово Сермет Сулејмани во своето писание, намерно објавено токму на 24 мај, денот на Кирил и Методиј, македонските и сесловенски просветители. Сулејмани не само што изнесува скандалозни омаловажувања на сиот македонски народ и го изложува на јавно исмевање неговиот национален и културно-јазичен идентитет, туку се впушта во негирање на тој идентитет и на историјата на македонскиот народ и неговите историски личности, индиректно доведувајќи ги еден од столбовите на македонскиот идентитет Кирил и Методиј во врска со Бугарите!

Климент: Наша должност и обврска е заветот на браќата Кирил и Методиј да го посведочиме и да го предадеме на младите поколенија

Животот овде, на овие македонски простори, каде што историските околности не секогаш биле наклонети кон нас и кон нашите стремежи, ни овозможил да созрееме како опитен народ со свој јазик и култура. Народ мирен, но не и наивен, свесен за сопствената единственост, неповторливост и одговорност пред лицето на Бога и пред светот – порача епископот Ераклејски Климент на свечената акaдемија, што се одржа во црквата Света Софија во Охрид по повод Денот на македонските и сесловенски просветители Кирил и Методиј.
Сите вести од Македонија

Најнови вести

To top